Ozil-a'n Reds hmachhawn dawn lo

Mesut Ozil, Laurent Kosciel-ny leh Olivier Giroud te chu Arsenal-in Premier League a an match hmasa bera Liverpool an hmachhawn hunah an la inlan ve loh tur thu manager Arsene Wenger-a'n a sawi chhuak.

Playmaker Ozil, centre-back Koscielny leh striker Giroud te hi Euro 2016-ah an ram tan an inlan a, chawlh pek rei bik niin club training an la zawm lo. Tunkar chho hian Gunners-ah an kir tawh tura ngaih a ni a, player ṭha leh theihna nei sang tak ni hlawm mah se Wenger-a'n a naute hi kar khat chhung chauha an inpeih hman a beisei lo niin a lang.

Zawhna chhangin Gunners manager Wenger chuan, "An tan chuan Liverpool hmachhawn hi a la hma lutuk deuh ang," a ti. Season thar inbuatsaih nan Arsenal hian Zirtawpni zan khan Norwegian club Viking chu 8-0 in an sawp.

Friendly match-ah hian Arsenal tan Santi Cazorla penal-ty pey chu Viking goalkeeper Iven Austbo-a'n lo dan sak mah se Joel Campbell chuan minute 33-naah goal hmahruai a khung.

Gunners tan hian Campbell leh Alex Iwobi te chuan goal hnih an khung bakah Theo Walcott, Cazorla leh Chuba Akpom ten goal khat ṭheuh an khung a, Haukas chuan anmahni lamah a ti lut bawk.

Premier League season bul--
ṭan hunah striker Giroud a awm dawn lo a nih chuan Wenger hian Walcott chu tlarhmaah a chhawr chhunzawmin a rinawm a, England international Alex Oxlade-Chamberlain a dam tawh bawk avangin lungngaihna tur a awm lo ang.

Germany international Ozil hi ball pass thiam leh ṭhiante goal khung tur a siamsak theih em vanga hriat hlawh a ni. Ani hian Reds a hmachhawn thei lo a nih pawhin Aaron Ramsey leh Alexis Sanchez ten season bul an ṭan thei dawn thung. German Bundesliga lama a thiamna lantir tawh Granit Xhaka pawh a ṭul a nih chuan chhawr theih turin a inpeih tawh bawk.

Tun dinhmuna Arsenal buaina chu tlarhnung hi a ni. Captain thar Per Mertesacker chu hliam vangin a chawlh rih a ngai a, Brazil international Gabriel Paulista pawh damkawr a la ni. England international Calum Chambers leh Rob Holding te hi an la patuai deuh. France international Koscielny hian an match hmasa ber a khel dawn lo a nih chuan Reds lakah Wenger-a'n a tlarhnung a rem uluk a ngai hle ang.

Inlante

ARSENAL XI (4-2-3-1): Ospi-na; Debuchy (Bellerin 46mins), Gabriel (Holding 46), Bielik, Gibbs (Akpom 70); Coquelin (Reine-Adelaide 46), Elneny (Zelalem 70); Campbell (Willock 70), Cazorla, Oxlade-Chamberlain (Iwobi 46); Walcott (Monreal 70)

Subs not used: Martinez, Cech

Goals: Campbell 33, 59, Cazorla 50, Walcott 53, Haukas OG 55, Iwobi 71, 81, Akpom 89

Booked: Cazorla