RIO olympic 2016 Venus leh Ivanovic tla nghal

Rio Olympic neih meka hmeichhe tennis inel-naah world number 1 hlui Ana Ivanovic leh Grand Slam vawi sarih champion tawh Venus Williams te chu an match hmasa berah an chak lo nghal.

United States tana inlan Venus hian Belgiun nula Kirsten Flipkens lakah set khatna la mah se 4-6, 6-3, 7-6(5) in a chak lo. Kum 36-a upa Venus hian 2000 Sydney Olympic Games-ah khan US tan gold medal a lo dawng tawh a, kuminah erawh a beisei ang a thleng zo lo.

Serbian hmeichhe ten-nis lama an chhunavawr Ana Ivanovic pawhin beisei a phak lo. French Open champion hlui hi Spain nula Carla Suarez Navarro lakah 2-6, 6-1, 6-2 in a chak lo a ni.

Inkhel dangah see-ded palina Agnieszka Rad-wanska chu China nula Zheng Saisai lakah a tlawm. Zheng hian 6-4, 7-5 in Poland star hi a hneh.