Ram tana inkhelh chawlhsantu Milner

Liverpool midfielder James Milner chuan ram tana inkhelh a chawlhsan thu a puang. Kum 30-a upa midfielder hian England tan kum 2009 khan a match hmasa ber khelin match 61-ah England kawr hain a inlan a ni.

Milner hian England tan Euro 2016 bakah World Cup 2010, 2014 leh Euro 2012 a lo khel tawh a, inelna lianthamah ram tan match sarih chiah inkhel bul a la ṭan thung. Kar hmasa lawk khan subsistute nih reng ai chuan ram tan inkhelh chawlhsan mai a duh zawk thu a lo sawi tawh a, a sawi ang ngeiin thutlukna a siam ta.

Manchester City midfielder hlui chuan, "England kawr ha tawh lo turin thutlukna ka siam ta. Manager thar Sam Allardyce, players, staff leh England fan-te zawng zawng hlawh-tlinna duhawm tak an chan theih nan duhsakna ka hlan a ni," a ti.

Milner hian England tana a goal khung awmchhun chu 2014 FIFA World Cup qualifier-a Moldova nen an inhmachhawn
ṭumin a khung a, England Under-21 tan vawi 46 inlan bawkin U21 tana inlan hnem ber a ni.