City-ah Colombia forward Marlos Moreno a lut

Manchester City chuan Colom-bia forward Marlos Moreno chu Atletico Nacional aṭangin pound maktaduai 4.75-in an lalut a, kum nga chhung atan contract an ziahpui. Kum 19-a upa forward hian City tan a khel nghal dawn lo a, Spanish club Deportivo La Coruna-ah season khat chu loan-in hun a hmang phawt dawn a ni.

Moreno chuan, "Pep Guardiola hi khawvela manager ṭha ber pawl a ni a, player kum naupangte chher nuam ti mi niin ka hria. Kan thiamna leh theihna phochhuak turin min pui thei ang tih ka ring a, a hnuaia khelha team ropui tak tana inlan hi ka nghakhlel tawh a ni," tiin a sawi.