RIO olympic 2016 India chak phawt

Nimin khan India mipa hockey team chuan Ireland lakah 3-2 in hnehna an chang a, point thum hmuin pool B-ah pahnihna an ni mek.

Olympic Hockey Centre-a inkhelah India tan V.R. Raghunath chuan goal hmahruai khungin Rupinder Pal Singh chuan goal hnih a khung zui bawk. Olympic ṭum kuaah India mipa team hian first round an paltlang zo lo a, kuminah an match hmasa berah hnehna an chan avangin beiseina an nei sang - naktukah pool hmahruaitu Germany nen an inhmachhawn leh ang.

Pool B inkhel dangah Ger-many chuan Canada lakah 6-2 in hnehna an chang a, Argentina leh London Olympics silver medallist Netherlands te chu 3-3 in an inhnehtawk bawk.

India hi Germany, Ar-gentina, Netherlands, Ire-land leh Canada te nen pool khatah an awm ho a, an inkhelh kual hnuah a sang paliin quarterfinal an lut ang.