China lakah US an lian

United States basket-ball mipa team chuan Rio Olympic-a an match hmasa berah China chu 119-62 in an sawp.

China-in inkhel bul ṭan ṭha zawkin 2-0 in hma an hruai a, US hian an shot hmasa vawi nga aṭangin point an nei miah lo. Mahse, forward DeMarcus Cousins chuan free throw lutin a tawp thlengin an chungnung tluan parh.

US tan hian Golden State Warriors zawm thartu Kevin Durant-a'n point 25 score-in assists ṭum 6 a neih bakah re-bounds vawi 4 a la bawk a- a thawhhlawk ber. China tan NBA player hlui Yi Jianlian chuan point 25 a score ve bawk.

Olympic hnuhnung pahnih London leh Bei-jing-ah khan US hian gold medal an la a, kuminah hian NBA Most Valuable Player Stephen Curry leh LeBron James te inlan ve lo mah se champion tura rinkai an ni. Thawhlehni zingah Venezuela nen an inhmachhawn leh ang.