CYMA Volleyball champion Maubawk

8th August, 2016

Maubawk chuan Muanna Veng lakah 3-2 a hnehna changin LBS Suzuki 24th Inter Branch YMA Voleyball Tournament champion an ni a, hmeichhe inelna lamah Kanan an chungnung ber bawk.

Mipa leh hmeichhe champion team hian Rs 30000 an dawng a, pahnihna hian Rs 20000 an dawng .

Zirtawpni zan khan CYMA Volleyball hi Dengṭhuama Indoor Satdium-ah final khelh niin Maubawk hian inkhel inhnehtawk takah 24-26, 25-19, 21-25, 25-19, 15-6 in Muanna Veng an hneh. Maubawk thiampuipa C. Lalchhanhima chu final zan hian man of the match leh Best Spiker atan thlan a ni.

Hmeichhe lamah Kanan nula Var-^-dingliani chu women of tha match leh Best Spiker-ah thlan a ni a, ani hian an veng hi Kolasib Sub Hqrs lakah 25-12, 25-20, 18-25, 25-22 in hnehna a chanpui. Kanan hian final lut turin Vaivakawn leh Mamit te an hneh tawh bawk. Kolasib nula R. Lalnunpuii chu best setter atan thlan a ni.