Lakers ngam loh Celtics

Nimin zing NBA regular season inkhelah Los Angeles Lakers chu Boston Celtics lakah 139-107 in an chak lo a, star player LeBron James-a double double neih chu chak pui nan a tawk zo lo a ni.

TD Garden-a inkhelah Lakers tan James-a'n point 15 a neih bakah assist vawi 13 a nei bawk - Lakers player zingah point 20 nei tling an awm lo. Celtics tan erawh Jayson Tatum (27 points), Jaylen Brown (20) leh Kemba Walker (20) te an che ṭha thung.

Season kal laiah Celtics hian match 28 hnehna an chang tawh a, vawi 14 an chak lo. Lakers erawh vawi kua chiah chak loh an la nei a, ṭum 34 ngawt hnehna an chang tawh a ni.