Mumbai leh Forlan an indawr

Indian Super League club Mumbai City FC chuan season thar atan an striker turin Diego Forlan an dawr mek. Manchester United striker hlui hi Atletico de Kolkata nen lo indawr tawh mah se an inrem thei lo a, Kolkata club a hnawl hnuah Mumbai club hi an rawn lang ve leh ta a ni.

Uruguay international hlui Forlan unaupa leh a agent ni bawk Pablo Forlan chuan, "Kolkata nen inbiakna kan nei tawh lo a, tun dinhmunah chuan Mumbai City nen indawrna neih mek niin thutlukna tur chu kan nghah phawt a ṭul," tiin Ranbir Kapoor-a club nen indawrna an neih thu a pha lo.

Kum 37-a upa striker hian a vanglaiin European Golden Shoe ṭum hnih a dawng tawh a, FIFA World Cup 2010-ah Best player ni tawh bawkin Atletico Madrid-ah a hun tawn ropui bera chhal ngam hmangin vawi 196 inlanah goal 96 a khung sak a, Mumbai tan chuan a tawnhriat ringawt pawh hi ṭangkaipui tham a ni ang.