Napoli-ah Marek Hamsik a rinawm

Marek Hamsik chuan Napoli tan a rinawm zia lantir nan Stadio San Paolo-ah kum li dang cham chhunzawm leh turin contract thar a ziah thu Italian club chuan an tarlang.

Kum 29-a upa Hamsik hi Euro 2016 khelh zawh takah khan Slo-vakia tan a langsar hle a, club
ṭhen-khatin an ngaihven nia sawi niin Arsenal leh Bayern Munich hming pawh lamrik a ni.

Hamsik hian kum 2007 khan Brescia aṭangain Napoli hi a zawm a, league match 91 a khelh aṭangin goal 19 a khung tawh a, 2010-11 season khan Serie A team of the year-ah thlan tel a lo ni ve tawh nghe nghe.

Napoli hi season hmasa khan Serie A-ah pahnihna an ni a, champion Juventus an phak lohna chu point kua a ni. Season thara an match hmasa ber atan August 21 hian Pescara an hmachhawn ang.