Russia fan te'n Capello chhuak turin an duh

Russia football fan te chuan an ram coach Fabio Capello-a'n a hna a chawlhsan theih nan pawisa an khawn. England coach hlui hi a contract hman zawh hmaa ban anih chuan amah ruaitu Russia Football Union(RFU) lamin z^ngnadawmna pound maktaduai 15.5 lai an chawi a ngai dawn a, he pawisa chawi tur zat hi Russia football fan intelkhawm ṭhenkhat chuan website kaltlangin an khawn a ni.

Russia Football Union president lailawk Nikita Simonyan-a'n Capello hmalam hunah zawhna awm anga a sawi hnu lawkin Russia fan-te hian an remhriat dan zawngin hma an la ta a ni.

'Fabio go home' tih hming chawia siam web­site thuchhuak chuan, "Tunhnaia mipui ngaih­dan lakkhawm aṭangin kan ram mipui tam zawkin Capello hi a hna aṭanga bang turin an duh a ni. Mahse Capello hi a hna aṭanga chawlh tir ngawt tur chuan pound maktaduai 15.5 lai RFU lamin Capello hnenah an pek a ngai dawn a, kan coach hi chhuak se kan duh em avangin pawisa hi kan khawn a ni," tiin an website-ah hian an tarlang.

Kum 68-a upa coach hian July 2012 aṭangin Russia enkawl hna a thawk ṭan a, kum 2018 World Cup zawh thleng contract a nei a ni.