Car accident vangin Police kutah Vidal

Juventus leh Chile midfielder Arturo Vidal chu Thawhlehni khan Chile khawpui Santiago-ah Ferrari car-in a chesual a, a chetsual lai hian zu rim a nam avangin Police kutah a awm mek.

Kum 28-a upa Vidal hian vanneih­thlak takin hliam na lutuk a tuar lo a, nimin khan local judge hmaa inlan tura tih niin court thutlukna kan hre hman lo.

Vidal mantu police colonel Ricardo Gonzalez chuan, "He chetsualna hmuna car sen khalhtu hian zu a ruih avangin a chesual a ni," tiin United-in an rim mek anga an sawi Vidal chu a rui niin a sawi.

Copa America khelh vanga Chile squad-a awm mek Vidal hi tournament khelh mekah a che ṭha hle a, goal khung hnem ber ni mekin match hnihah goal thum a khung tawh.

Chile club Colo Colo-a a career bul ṭantu Vidal hi an ram khawpuia San Luis de Buin hospital emergency room-ah enkawl nghal a ni. Hliam a tawrh nat loh avangin a chhuak leh nghal a, police motor-in an hruai a ni.

Vidal chuan Twitter lamah a chet­sual chungchang hi tarlang nghalin, "Vanduaithlak takin car accident ka tawk hlauh a, ngaihtuahawm erawh ka ni lo e. Min ngaihtuahtu te zawng zawng chungah lawmthu ka sawi a ni," a ti.

Zirtawpnia Bolivia nena inkhel tur Chile tana Vidal inlan theih leh theih loh tur hi court thutlukna chhuah hunah a chiang chauh ang.