CYMA-in luia nungcha khawih an dem

Central YMA chuan thuchhuah siamin, YMA leh khawtlangin lui dung an humhalh mek laiin, tun hnaiah luia nungchate khawih a ni chu an dem tak zet thu an tarlang.

CYMA chuan, Mizoram hmun hrang hrangah nghafuan hun lai a ni a, nungchate an him theih nan YMA sub-headquarters, group leh branch-te'n theihtawp chhuahin hma an la mek tih an sawi a, "Kum 2020-ah pawh he hmalakna hi chhunzawm zel a ni. YMA leh khawtlangin lui dung kan humhalh mek laiin, tun hnaiah khawih an ni hi CYMA chuan a dem tak zet a ni," an ti.

YMA sub-headquarters, group leh branch-te chu nung­­chate venhimna kawng­­­ah chak zawka hma la chhun­zawm zel turin CYMA chuan an ngen a, "Humhalh hna thawh kawngah thâ thlah loa ṭang mar zel tur leh harsatna neite chuan CYMA-ah inhriattir turin kan inngen e," an ti a; mihring dam khaw­chhuahna chu thil siam dangte dam khaw­chhuah­naah a innghat tih an sawi.

CYMA chuan, ram rohlu, thing leh mau, nungchate humhalh kawngah YMA-in hun rei tawh tak aṭangin hma a la a, tun thlengin chhunzawm zel a nih thu an sawi a; nungcha hum­halhna kawngah sorkar leh khawtlangte nena thawhhona ṭha tak an neih thu an tarlang bawk.