Swansea City-ah James Beattie

Southampton striker hlui James Beattie chuan first-team coach hna chelh turin Swansea City a pan. Welsh club manager Garry Monk leh Beattie te hi an vanglaiin Saints tan an lo khel dun tawh ṭhin.

Kum 37-a upa Beattie hian Kristian O'Leary leh Alan Curtis te nen Swansea first team hi an enkawl ho dawn a, tlar hma lam player te a bik takin a kaihruai dawn bawk a ni.

Swansea City mana­ger Garry Monk chuan, "James hi kan tlar hma player te nena thawk ho turin hna kan pe dawn a ni. Rei tak chhung James nen hian kan lo inhre tawh a, mi fing tak, player leh coach nichunga tawnhriat ngah tak leh football hre tak a ni. Ka tana a ṭhat lehzualna chu game kan thlir dan hi a in ang em em a ni," tiin a lo khelhpui tawh ṭhin player a thawhpui thei tur chu a hlim hle.

Kum 2002–03 season a Saints tan goal 23 lai a khung vanga England tana khel tura an koh Beattie hian a vanglaiin Southampton tan match 200 chuang a khel a, England tan vawi nga a inlan ve bawk. A hun tawp lamah League two club Accrington Stanley a zawm a, player nichungin manager hna a chelh bawk a ni.

Everton tan pawha lo khel tawh Beattie hian January thla khan kar khat chhung chu Swansea-ah hian Gary Monk a lo pui tawh bawk.