Season Opening-ah MSL1 Final Rematch

Mizoram Super Lea­gue final hmasa berah Hawla Indoor Stadium, Republic Vengthlang leng lo mipui an pung­khawm a, team inhmachhawn chu Khatla TBL leh Zarkawt BCA te an ni. Local basketball thununtu TBL leh BCA te hi MBBA Season Opening final-ah an intawng leh dawn.

Thawhṭanni khan Zarkawt BCA-in semi­final hmasa zawkah Chawnpui VR4 84-55 in an hneh a, Khatla TBL-in Mission Veng Vikings 70-65 in an hneh hram bawk. Final hi Zirtawpni tlai dar 5:00 khian Hawla Indoor Stadium-ah khelh a ni dawn a, gate entry hi Rs 20 a ni ang.

Zarkawt BCA 84-55 Chawnpui VR4

First quarter-ah Di­vision I club Chawn­pui VR4 an khel ṭha zawk. Second quarter-ah Zarkawt BCA coach Lal­ruatfela'n (Afela) a tawnhriat rawn hmang ṭangkaiin VR4 hi basket hnih chiah an neih tir a, BCA defence a khawng ṭha hle.

BCA tan an player pawimawh zirna vanga MSL khel lo Simon Lal­rem­ruata a rawn inlar a, point 15 score-in MSL fina­­list hi Season Opening Tour­nament final a thlen pui.

Khatla TBL 80 - 75 Mission Veng Vikings

Semifinal hnuhnung zawkah Khatla TBL-in MSL-a an game an pha lo a, chhutihrualin MSL Most Valuable Player H. Lal­dinsanga an kawl tlat avangin chak turin an ṭha tawk.

Veteran coach Lal­chhandama (Chd-a) en­kawlna hnuaiah Vikings-in MSL champion TBL an ngam nghal viau a, player thar Saron Veng tlangval Lalrinkima leh Lalrina Renthlei te chu an inkawp rem nghal em em a. Vikings-in MSL-a Most Defensive Player atana thlan Moses te a neih bawk avangin TBL player ten ṭum dang an pha lo.

Amaherawhchu TBL tan player ṭangkai Gospel-a leh Mapuia ten tlawm an tum lo a, coach leh player ni kawp Mapuia'n point 27 zet score-in TBL chu 80-75 in an chak hram.