Bentancur a dam ṭha e

Tottenham Hotspur midfielder Rodrigo Bentancur chu Liverpool nena League Cup semifinal an khelh laiin a tlu a, zawnchhuah a ngai. Uruguay international hi corner aṭanga ball kal tauh a tumna lamah amahin a tlu a, zawnchhuah a ngai.

Kum 27 mi midfielder hi khelmual chhunga minute kua vel chu enkawl a ni a, oxygen pek ngai hialin a awm hman. Zawnchhuah a nih hnuah damdawi in panpui a ni a, a dinhmun a ngaihtuahawm lo.

Spurs midfielder hian nimin zing lam khan instagram lamah a dinhmun a ngaihtuahawm loh thu hi a pholang a, "Ṭhiante u, engkim a ṭha vek e. Min ngaihtuahnaah ka lawm a, hnehna kan chan avangin ka ṭhiante ka lawmpui em em a ni," a ti.

Chi inthliarna lam hawia club captain Son Heung-min a chungchang a sawi avanga, November 2024-a match sarih khel thei lo tura hrem Bentancur hian tun season-ah Spurs tan inelna hrang hrangah match 20 khelin goal hnih a khung a, assist vawi khat a nei.