Mizo nula pahnih inlan dawn

Asmita Khelo India Women National Weight-lifting Championship - Youth, Junior leh Senior khelh turah Mizo player pahnih Cindy Lalparmawii leh Zosangzuali te an inlan dawn a, inelna neihna tur hmun Brahmapur, Odisha an thleng tawh.

Inelna hi January 8, Nilaini aṭang khan khelh ṭan a ni tawh a, Mizoram aṭang hian Khelo India State Centre of Excellence (KISCE) SYS aṭangin mi pahnih hi an tling a, tun ṭumah hian official pahnih in an hruai a ni.

Cindy Lalparmawii hian nikum July thla khan East Zone-ah Youth leh Junior-ah bronze medal a la ve ve tawh a, ani hian January 13, Thawhṭanniah a chawi ang

Zosangzuali hian nikum July khan East Zone-ah youth (silver medal), junior (gold) leh senior (bronze) lo la tawh. Zosangzuali hian January 14, Thawhlehniah a chawi thung dawn a ni.