MPL12-ah hmunruak pahnih

Mizoram Football Association chuan Mizoram Premier League Season 12 khel tur club pahnih a hrem avangin an hmun ruak a khel duh tan dilna hun a hawng. District FA hnuaia in affiliate club-ten January 31, 2025 thleng dilna an thehlut thei ang.

MPL11 zawhah MFA chuan thuchhuah siamin football hmel tibaltu club, official leh player-te hremna a tichhuak a, hrem zingah hian Sihphir Venghlun leh Ramhlun Athletic te an tel avangin MPL an khel zui thei dawn lo.

MPL12-ah hian Aizawl FC, Chanmari FC, Mizoram Police leh SYS FC te an la awm dawn a, qualifier champion Lawngtlai club MLS FC leh playoff-a Chawnpui FC hnehtu Kanan FC te an tel bawk dawn.

Team paruk khel tur a chiang tawh a, hmunruak dang pahnih hi District FA hnuaia in affiliate club ten an dil thei a, diltu hi pahnih aia an tam chuan MFA Executive Committee-in MPL12 khel tur a thlang dawn a ni.

MPL club ni tawhte:
# Club
1 Aizawl FC
2 Bethlehem VT
3 Chanmari FC
4 Chanmari West FC
5 Chawnpui FC
6 Chhinga Veng FC
7 Dinthar FC
8 Electric Veng FC
9 F.C. Venghnuai
10 FC Bethlehem
11 FC Kulikawn
12 FC RS Annexe
13 FC Venghnuai
14 Luangmual FC
15 Lunglei FC
16 Mizoram Police FC
17 Project Veng FC
18 Ramhlun Athletic
19 Ramhlun North F.C.
20 Reitlang FC/Zo United FC
21 Sihphir Venghlun
22 SYS FC
23 MLS FC
24 Kanan FC