Rashford-a'n chhuahna tur a zawng

Marcus Rashford-a'n Old Trafford chhuahsanna tur club a zawng mek a, a aiawh a unaupa leh agent Dwaine Maynard chuan AC Milan a hmuh hnuin Juventus a hmu leh tawh. Maynard hian club dang pawh a la dawr zel dawn a, chung zingah chuan Borussia Dortmund pawh an tel.

English forward Rashford hi Como nen pawh sawi zawm an ni a, Sky Italy-in a puanzar danin Cesc Fabregas-a enkawl Italian club hian a lakluhna tur sum pawh an nei. Mahse, tun dinhmunah erawh Rashford hian Serie A-a 16-naa awm mek Como zawm tumna a nei loa ngaih a ni thung.

Manchester United chuan January 12, Pathianni zan dar 8:30 hian Arsenal nen FA Cup third round-ah an inhmachhawn dawn a, damlohna avanga Liverpool nen an inhnektawk ṭuma squad-a awm lo Rashford hi a inlan a beiseiawm loh.