Belgian GP leh F1 an inrem

Formula 1 leh Belgian Grand Prix te chu kum 2026 aṭanga 2031 chhung atan an inrem a, inremna hi kum ruk chhung atan niin, hemi chhung hian Spa-Francorchamps circuit-ah intlansiak pali an nei dawn a ni.

Car intlansiakna sang berah hian tun hmalam leh kumin thlenga an inrem dan chuan kum tin an intlansiak ṭhin. Inremna neih hun chhunga season awl lailawk neih ang chi contract hi an ziah vawi khatna a ni hial.

Belgium hian 2026, 2027, 2029 leh 2031-ah te intlansiak a hmang dawn a, kum 2028 leh 2030-ah te an awm thung dawn a ni. Intlansiak an neih ni tur leh an tlanna hmun tur te chu hun danga la tihchian leh tur a ni thung ang.

Tun season atana Formula 1 intlansiak hmasa ber chu March 14-16 chhung hian Australia ramah an tlan dawn a ni.