Goa leh Hyderabad an inhnehtawk

Nilaini zan Indian Super League inkhelah, tun hnaia che ṭha tak FC Goa chuan Hyderabad an mikhual a, 1-1 in an inhnehtawk. Goan club tan Armando Sadiku chuan minute 52-naah goal hmahruai a khung a, Hyderabad hian an chhanglet lo reng a, an tlawm mai dawn niin a lang hman.

Mahse, hun pek belh minute hnihnaah Allan Paulista chuan si phurh sutna goal a khung a, 1-1 in inkhel a tawp. Inkhelah hian red card pahnih phawrh a ni a, Goa midfielder Borja Herrera chu minute 59-naah hnawhchhuah niin, minute 71-naah Hyderabad defender Alex Saji chu hnawhchhuah a ni bawk.

Goa tan Ayush Chhetri chuan inkhel bul a ṭan a, Hyderabad tan Isaac Vanmalsawma leh Ramhlunchhunga ten bul an ṭan.