Sabalenka kalkawngah Gauff

January 12, Pathianni aṭangin Australian Open khelh a ni dawn, hmeichhe singles champion lai Aryna Sabalenka kalkawng a awlsam dawn lo hle, match hmasa berah US Open champion hlui Sloane Stephens a tum nghal dawn a ni.

Melboure Park-ah hian, hmeichhe singles player zingah Martina Hingis (1997-99) chu a zawna vawi thum champion thei hnuhnung ber a ni, kuminah Sabalenka hi a champion leh a nih chuan Hingis hnung a zui ang.

World number 1 Sabalenka hi a chak chho zel a nih chuan, semifinal-ah Coco Gauff nen an intawng thei dawn - American star Guaff hi seeded pathumna a ni a, tun ṭumah hian a buk rit zinga mi a ni.

World number 1 Iga Swiatek hmachhawn hmasak ber tur chu Katerina Siniakova a ni dawn. Season hmasa tawp lam khan Swiatek hian mimal harsatna a tawk a, tennis court lamah beisei a phak lo zui, kuminah beiseina thar nen a inlan dawn a ni.