SAPL-in Atalanta an hneh

Thawhṭanni zan khan Italian Serie A inkhel pakhat a awm a, table mawngphaha awm SPAL chuan Champions League khel phak Atalanta chu 2-1 a hnehin 18-naah an inhlangkai.

Atalanta khelmuala inkhelah mualneitu lam hian Josip Ilicic hmangin minute 16-naah goal hmahruai an khung, goal engzat nge an khung belh ang tih chu zawhna lian tak a ni hman. Mahse, rinlawk angin thil a thleng vek bik lo. SPAL hian second half-ah Andrea Petagna (53') leh Mattia Valoti (60') te hmanga an chhan let bakah goal an chhuah belh lo a, point thum hlu tak an hlawh chhuak.

Atalanta hian league match 20 aṭangin point 35 an hmu a, khelh zat inangah palina AS Roma chu point thumin an phak lo. Season zawna UCL khelh an duh a nih chuan holam tak taka point hloh a hun tawh lo hle ang.