A ngai reng kan la ni - Slot

Liverpool-in an league match hnuhnung berah Manchester United chu 2-2 in an draw hram a, League Cup semifinal first leg-ah 1-0 in Tottenham Hotspur an hneh lo bawk - Reds hi an talbuai ṭan ve dawn anga sawi a awm hman.

Mahse, Liverpool boss Arne Slot chuan, "Spurs nena kan inkhel kha en ila, referee khan goal khungtu Lucas Bergvall kha red card pe ta se, kan clean sheet ang a, goal pawh kan khung hial mai thei. Tichuan, mi zawng zawngin, game harsa tak khelin an chak tho a, Liverpool chu an tiṭha takzet, an ti ang.

"Mahse, goal kan chhuah avangin sawiselna tam tak kan tawk leh mek. Mahse, ka ngaihdanah chuan kan khelh dan a inthlak lo a, a ngai reng kan la ni," a ti a, a team chu chhe ta thut anga an sawi chu a pawm lo - Napoli forward Khvicha Kvaratskhelia nena sawizawm an nih chungchangah engmah a sawichiang duh rih lo bawk.

Liverpool hi zanin dar 5:45-ah FA Cup third round khel turin an inlan dawn a, League Two club Accrington Stanley an hmachhawn dawn avangin an indahṭha thei ang.