Chennaiyin lakah Odisha an 'comeback'

Indian Super League-ah Ningani zan khan Chennaiyin chuan Odisha an mikhual a, 2-2 in an inhnehtawk. Mualneitu Chennayin hian 2-0 in hma an hruai hman a, Wilmar Jordan Gil chuan goal hnih a khung.

Mahse, minute 80 hnu lamah Odisha-in goal hnih an khung a, Dorielton chuan minute 80-naah si phurh sut ṭhenin, hun pek belhah Chennai club goalkeeper Mohammad Nawaz chuan an lamah tilutin si phurh a sut zawhsak - Rahul KP-a 'overhead' kick chuan post a per hnuah Nawaz hi per lehin, goal-ah a lut.

Ningani zan inkhelah Chennaiyin tan defender PC Laldinpuia, Laldinliana Renthlei leh midfielder Lalrinliana Hnamte ten inkhel bul an ṭan a, Odisha lamah defender Jerry Lalrinzuala leh midfielder K. Lalṭhathanga (Puitea) ten bul an ṭan thung.