Qatar lamah Kodjia a kal

Aston Villa striker Jonathan Kodjia chuan Premier League club chhuahsanin Qatari club Al-Gharafa a zawm a, kum hnih leh a chanve atana contract ziakin a man zat erawh tarlan a ni lo. 

Kum 30 mi Kodjia hian kum 2016 khan Bristol City aṭangin Villa hi a zawm a, a season hmasa berah hian match 36 ngawt khelin goal 19 a khungsak nghal. Season hmasa khan Villa tan Championship-ah match 39 a khel a, Premier League an kir theih nana player ṭangkai niin match 43-ah goal kua a khung. 

Nipuia contract hmang zo tawh tur striker hian tun season-ah Villa tan inelna hrang hrangah match kua chauh khelin goal hnih a khung a, Qatar lam a pan ta a ni. Hetihlai hian Villa reserve goalkeeper Lovre Kalinic chuan French Ligue 1 club Toulouse chu season tawp thleng atan loan-in a zawm ve bawk.