Set nga hnuah Ruud a chak

Casper Ruud chuan Australian Open 2025 a match hmasa berah fiahna hautak a hmachhawn nghal, seeded parukna hian set nga an khelh hnuah world number 106 Jaume Munar chu 6-3, 1-6, 7-5, 2-6, 6-1 in a hneh.

Norway tlangval Ruud chuan, "Inkhel hautak tak a ni - Grand Slam huangah chuan match hmasa ber aṭangin a awlsam ngai lo, chuvangin eng match pawh hi kan tawpna a ni thei tih kan hriat a ngai.

"Tihsual ka la ngah viau mai a, round sang zawkah chuan khatiang kha a remchang tawh lo ang," a ti. Winners vawi 48 vaw chhuak mah se, a tihsual vanga a khingpui point hmuh chu 37 tehmeuh a tling.

Inkhel dangah Kei Nishikori pawh a chak - Japanese tlangval hian Thiago Monteiro chu 4-6, 6-7 (4/7), 7-5, 6-2, 6-3 in a hneh, chak turin darkar li leh minute ruk lai a mamawh a, kum 35 tling tawh Nishikori tan a awlsam lo hle.