Hmeichhe badminton inelna nei

Mizoram Badminton Association chuan Aizawl District Hub for Empowerment of Women (DHEW), Women and Child Development leh a thawhpui sa TATA Trusts leh NEIDA te nen ṭangkawpa an buatsaih, Girl's and Women's Badminton Tournament chu January 10, Zirtawpni khan neih zawh a ni.

Ramhlun Indoor Stadium-ah inelna hi neih niin, National Girl Child Day lawmna programme pakhat leh Beti Bachao Beti Padhao (BBBP) kum 10 tlin pual a ni tel a, category 16-ah inelna neih niin, K. Lalrempuii, Saron Veng Badminton Club chuan category pathum (Under-15 Girl's singles, U15 Girl's doubles leh U17 Girl's doubles) ah lawmman pakhatna dawngin, player langsar ber a ni.