Zheng Qinwen a chesual duh lo

Australian Open 2025 chu nimin aṭang khan khelh ṭan a ni a, hmeichhe champion tura rinkai zinga mi Zheng Qinwenn chu a match hmasa berah chesual teuh viau mah se a inveng thei a, set hloh loin a chak.

Ruah sur vangin Rod Laver Arena chung khuhna hman a ngai a, boruak a uap hle - boruak lum leh uap tak karah Zheng hian a khingpui Anca Todoni chu 7-6 (7-3), 6-1 in a hneh.

Olympic gold medallist Zheng-i hian set khatnaah 5-4 (40-0) a nih laiin a service a, set point hmasa pathum chu a hmang ṭangkai thei miah lo. Tie break khelh zui niin, a tawpah erawh a dingchang a, set hnihnaah chuan buaina a nei tawh lo.

Chinese nula Zheng chuan, "Tihsual ka ngah em avangin set khatna kha chu a harsa takzet a, inkhel ṭhenkhatah hi chuan chak turin vanneihna kan mamawh tel ṭhin," a ti, season hmasa ang bawka player hmuhnawm a ni leh dawn.