Bumrah-a'n England T20 series khel dawn lo

India bowler ṭha Jasprit Bumrah chuan hliam vangin England nen T20 series an khelh hunah a inlan thei dawn lo a, fast bowler Mohammed Shami a rawn kir thung dawn. T20 world champion lai India hian England hi an mikhual dawn a, match nga an khel dawn.

Kum 31 mi Bumrah hian Australia nen Test match hnuhnung ber an khelh ṭumin a hnungah hliam a tuar a, second innings-ah phei chuan vawm thei lo. Test series-ah hian India 3-1 in an tlawm.

Kum 34 mi Shami hi hliam vangin a buai ve reng a, November 2023-a Australia nen ODI World Cup final an khelh hnuah a inlan leh tawh lo. Shami hi a ke rek zai a ni a, a khup hliam vangin harsatna a nei tel bawk. Tunah erawh a dam tawh a, India inngahna tur ni ang.

T20-ah hian Rohit Sharma leh Virat Kohli te an chawl tawh a, Suryakumar Yadav captain-na hnuaiah an khel dawn. Match hmasa ber hi January 22, Nilaini hian Kolkata-ah an khel ang a, match tawpna ber hi February 2, Pathianni hian Mumbai-ah an khel thung ang.