August 8-ah Premier League ṭan dawn Season Opening-a Chelsea khingpui tur Swansea
Nimin khan Premier League fixture an tichhuak a, champion lai Chelsea-in an match hmasa berah Swansea an hmachhawn ang.
Premier League hi ruahman dan chuan August 8, Inrinni aṭanga ṭan tur a ni. Jose Mourinho hote point riata pha lo Manchester City-in West Brom an tlawh dawn a, Manchester United-in Old Trafford-ah Tottenham Hotspurs an mikhual ang.
Liverpool-in Stoke City an tlawh dawn a, Emirates Stadium-ah Arsenal leh West Ham an inkhel ang a, Newcastle leh season hman zawh taka mipui barakhaihtu Southampton an inhmachhawn ang. 2014-15 season chawhnu lama tla thei dinhmuna ding Leicester leh Sunderland te season bul ṭannaah an inkhel bawk dawn.
Tling thar Bournemouth, Watford leh Norwich ten Aston Villa, Everton leh Crystal Palace te an khel bawk dawn.
Season thar hi nikum ai khan kar khatin ṭan hma a ni a, ṭan hun tih danglam chhan hi June 10 aṭanga 2016 European Championship khelh ṭan a nih dawn vang a ni.
Krismas boruak
Krismas vuak veta fixture ngaihnawm ber chu December 28-a Chelsea leh Manchester United inkhel tur a ni. Season tharah hian kum thar niah match a awm dawn lo a, January 2-ah match a awm thung ang.
Thlasik lai, match tam ber laiin ni riat chhungin match thum khelh a ngai ang.
Big Five
Premier League-ah Big Four tih ṭawngkam a lar ṭhin a; Arsenal, Chelsea, Liverpool leh Manchester United te sawina a ni. Tunah chuan Big Five tiin a sawi theih a, Manchester City an tel tawh.
Arsenal-in August 22-ah Liverpool an hmachhawn dawn a, kar li hnuah Chelsea an khel leh nghal ang.
Manchester City-in match hnihnaah Chelsea an tum dawn a, season kharna May 7-a khelh turah Arsenal an khel leh dawn.
Manchester United-in season khar nan kai thar Bournemouth an tum dawn.
Club lian pangate 2014-15 season-a an intum kual dan -
Team Won Drawn Lost Pts
Chelsea 3 5 0 14
Man City 2 3 3 9
Arsenal 2 4 2 10
Man Utd 4 2 2 14
Liverpool 1 2 5 5
Engtik hunah nge Derby?
Merseyside
3 Oct: Everton v Liverpool
27 Feb: Liverpool v Everton
Manchester
24 Oct: Man United v Man City
19 Mar: Man City v Man United
North London
7 Nov: Arsenal v Tottenham
5 Mar: Tottenham v Arsenal