Boss nen harsatna kan nei lo - Bendtner

April thla khan training-naah Nicklas Bendtner-a tlai a, Wolfsburg manager Dieter Hecking-a'n squad aṭangin a paih.

Denmark forward hi media lamin a thinrim avangin chhuah a tum niin a tarlang a, amaherawhchu Arsenal forward hlui hian Wolfsburg boss nen an inkarah buaina a awm loh thu a sawi.

Bendtner chuan, "Ka contract-ah kum hnih ka nei a, Wolfsburg-ah cham zel ka duh. Season ṭha tak kan hmang zo lo a, field chhung leh pawnah hmasawnna tam tak ka nei a, Wolfsburg-a khelh zel hi ka tan a ṭha a ni. Coach Dieter Hecking-a'n hna ṭha tak a thawk a, kan inkarah buaina awm lo," tiin chhuah a tum loh thu a sawi.

Wolfsburg hi Bundesliga-ah pahnihna a ni a, season tharah Cham­pions League an khel ang.