2015 Euro U21 Rinkai Germany chak zo lo

European Champions U21-ah champion tura rinkai Germany-in an match hmasa berah Serbia an draw.

Euro U21 hi Czech Repub­lic-ah Nilaini zan khan khelh ṭan a ni a, Group A-ah Germany, Denmark, Serbia leh Czech Republic te awmin Group B-ah England, Italy, Portugal leh Sweden te an awm.

Generali Arena, Prague-ah Serbia-in Filip Djuricic-a khalh tlang hmangin minute 8-na lekah hma an hruai a, Ger­many tan Liverpool midfielder Emre Can ṭhuai luh hmangin minute kaw hnuah an sut.

Hun tawp hma minute 20 la awmin German defender Christian Gunter hnawhchhuah a ni a, player 10-a khel Germany an him hram.

2009 Euro U21 champion tan hian Barcelona keeper Marc-Andre ter Stegen te an awm a, final round thleng turin qualifier-ah hneh loh an tawng lo.

Inkhel dangah a thleng­tu Czech-in Denmark 2-1 in an hneh lo a, nizan khan Group B ram ten an match hmasa ber an khel a. Inelna hi tun thla chhunga khelh zawh tur a ni.