Federer-a'n quarterfinal a lut

World number 2 Roger Federer chuan Nilaini zan khan Ernests Gulbis hnehin Gerry Weber Open quarterfinal a in vaw tling.

Swiss tennis star Federer hi he tourna­ment-ah hian vawi riat zet a lo champion tawh a, vawi kua champion a tumna kal­kawngah hian awlsam takin third round hi a paltlang mai bik lo a; 6-3, 7-5 in Gulbis lakah hian hnehna a chang a ni.

Grand Slam vawi 17 champion tawh Federer hian set khatna leh set hnih naah hian vawi khat ve ve Gulbis service hi a laksak. Latvia tennis star Gulbis hian Federer a service laksak theihna hun ṭha vawi hnih hmu ve mah se a chhawr ṭangkai zo lo ve ve.

Quarterfinal-ah Federer hian Ger­man tennis star Florian Maye a hma­chhawn leh ang.