Wawrinka hnehtu Anderson

Nilaini zan khan French Open champion Stanislas Wawrinka chu Aegon Championships, Queen Club-ah Kevin Anderson hneh loin second round-ah a tla.

Kum 30-a upa Wawrinka hi he tournament-ah hian seeded pahnihna a ni a, a khingpui Anderson lakah match point vawi nga ngawt chu a hum thei. Mahse set hnihnaah ho angreng taka forehand a tihsual leh avangin 7-6 (7-4), 7-6 (13-11) in a chak lo.

South African tennis player Anderson hian an inkhelah hian a service ṭhat a chhawr ṭangkai hle a, vawi 22 zet ace a siam a ni. Tunhnai an inkhelh hnuhnung paliah Wawrinka hi a chak lo vek. Anderson hian third round-ah Guillermo Garcia-Lopez a hmachhawn leh ang.