Swansea zawm tur Tabanou

St Etienne defender Franck Tabanou chuan nimin khan Swansea City-ah medical a nei a, medical hi a paltlang a nih chuan Welsh club-ah hian kum thum leh a chanve cham turin contract a ziah rin a ni.

Kum 26-a upa defender manah hian a khelh mekna Ligue 1 club St Etienne chuan a hmaa an lo phal tawh zatna pound maktaduai 3 aia tam hret an phut dawn nia sawi a ni bawk.

Tabanou agent Philippe Lamboley chuan, "Club dang tam takin dawr mah se Swansea ngeia khelh hi a duh thu min hrilh a, khaw dang a hawi thei lo a ni," a ti.

Swansea hian January thla khan Tabanou hi lakluh tumin an lo bei tawh a, an hlawhchham. Winger ang pawha chhawr theih Tabanou hian ruahman anga engkim a kaltluang a nih chuan Wales international Neil Taylor nen Liberty stadium-ah left back dinhmun an inchuh dawn a ni.