CM-in 'Empowering Mizoram Sports' a tlangzarh dawn

Vawiin chawhnu dar 1:00 hian 'The Mizoram Bana Kaih (Handholding) Scheme' hnuaia kalpui tur 'Empowering Mizoram Sports' chu Chief Minister Lalduhoma'n a tlangzarh dawn. Empowering Mizoram Sports hmang hian Mizoram hmun hrang hrangah sports coaching pek a ni ang a, talent zawnna neih a ni bawk ang.

Program tlangzarhna hi Conference Hall, Directorate of Economics & Statistics-ah neih a ni dawn a, MSSC secretary Henry C. Lalrawnkima'n hmalak dan tur sawifiahna a nei ang a. Sports minister Lalnghinglova Hmar-in thusawina hun a nei bawk dawn.

Olympic 2036 a Mizo infiammi tam thei ang tir turin Mizoram Sawrkarin hmathlir a nei a. He vision behchhan hian ‘Empowering Mizoram Sports’ program hi duan a ni a, a bulṭan nan Bana Kaih scheme aṭangin cheng vaibelchhe 2.5 dah phawt a ni.