Jesus a hliam na

Arsenal-in FA Cup third round-a Manchester United an hneh loh ṭumin khup hliam vangin minute 40-naah zawnchhuah a ni a, chawl rei thei dinhmunah a ding. Jesus hian hnung lam aṭangin Bruno Fernandes a titlu a, amah a na ta zawk.

Mikel Arteta chuan, "Ka ngaih a ṭha lo takzet. An zawn chhuah lai khan a khup kha na a ti em em a, thil dik lo a awm a ni," tiin a sawi. Kum 27 mi Jesus hian match hnuhnung pasarihah goal ruk a khung a, a awm lo tur hi Arsenal tan channa lian tak a ni ang.

Gunners hian hliam vangin Jesus bakah Bukayo Saka (malpui) an chan a, Tomiyasu (khup), Ben White (khup), Riccardo Calafiori (ti hrawl) leh Ethan Nwaneri (ti hrawl) te an inhliam mek bawk. Gunners hian January 15, Nilaini zan hian an hmelma Tottenham an mikhual ang.