A chung ber luahtu Atletico

Real Madrid leh Barcelona ten Spanish Super Cup an khelh hlanin, La Liga lamah Atletico Madrid an inlan a, Pathianni zan khan Osasuna chu 1-0 in an hneh - Julián Álvarez chuan inkhela goal awmchhun a khung.

Atletico-in hnehna an chan avangin table chung ber an luah nghal a, league match 19 an khelh tawhah point 44 an nei mek - khelh zat inangah Real aiin point khatin an sang zawk a, Barca aiin point rukin an sang zawk.

Diego Simeone naute tan league match riat a zawna an chakna chiah a ni a, an league match hmasa 11-a vawi nga chiah chak Atletico hi champion turin an dinhmun a ṭha leh ta hle.