Ibrahimovic-a'n Lazio a zawm

German winger Arijon Ibrahimovic chuan Bayern Munich loan hmangin Lazio a zawm. Kum 19 mi Ibrahimovic hi Bayern Munich academy chhuak a ni a, Bavarians-ah khelhna hmun a chan loh avangin season liam ta pawh khan loan hmang bawkin Serie A club Frosinone tan a khel a ni.

Lazio hian Ibrahimovic hlawh zawng zawng hi an tum dawn a, kumin June thla thleng daih contract ziakin euro maktaduai 8-10 a lei ngheh theih dan a awm. Italian club hian Ibrahimovic hi an la nghet a nih chuan kum thum daih contract a ziak ang.

Arijon Ibrahimovic hi Nuremberg, Germany-a piang a ni a, a nu leh pa te hi Kosovo Albanians an ni. Tunah hian Ibrahimovic hi Germany Under 19 tan a khel mek a, senior team-ah erawh duh thlan tur pathum Kosovo, Germany leh Albania te a nei thung. Ibrahimovic hi footballer lar Zlatan Ibrahimovic nen inzawmna an nei lo.