Das-a'n century a siam

Bangladesh-in ICC Champions Trophy 2025 khel tur zingah Litton Das an tel lo a, Pathianni zan khan Bangladesh Premier League (BPL)-ah Litton hian century a siam.

Dhaka Capitals-in Durbar Rajshahi chu 149 runs-in an sawp a, Litton hian ball 44 lekah century siamin ball 55-ah 125 runs siam zuiin a dam tluan bawk.

Champions Trophy hi February 19 leh March 9, 2025 chhung hian Pakistan-ah khelh a ni dawn a, India-in an ram ṭhenawm an tlawh duh loh avangin Men in Blue hian United Arab Emirates-ah match an khel thung ang.

Inelnaah hian team pariat an tel dawn a, group A-ah Bangladesh, India, New Zealand leh Pakistan an awm ang a, group B-ah Afghanistan, Australia, England leh South Africa te an awm thung.

Bangladesh Squad: Nazmul Hossain Shanto (c), Soumya Sarkar, Tanzid Hasan, Tawhid Hridoy, Mushfiqur Rahim, MD Mahmud Ullah, Jaker Ali Anik, Mehidy Hasan Miraz, Rishad Hossain, Taskin Ahmed, Mustafizur Rahman, Parvez Hossai Emon, Nasum Ahmed, Tanzim Hasan Sakib, Nahid Rana