William-a'n Jamshedpur FC a zawm

Mizo forward lar William Lalnunfela chuan Indian Super League club Jamshedpur FC a zawm a, season thar atana bazar nasa tak club-ah hian kum thum chhung atan contract a ziak a ni. 

Kolasib tlangval William-a chuan, "Ka professional career ka ṭan tirh aṭangin ISL khelh duhna ka nei a, JFC hian level sang bera theihna pholang turin hun ṭha min siamsak a ni," a ti. 

Pune FC Academy aṭanga inzir chhuak William-a hian a professional career chu Aizawl FC aṭanga ṭanin kum 2015 khan I League-a a season hmasa ber a hmang a, 2016-17 season-ah khan I League nomawi chawiin a champion pui. 

Mohun Bagan-ah pawh lo khel tawhin 2018-19 season-ah khan Calcutta Football League-ah champion nomawi a chawi a, season hmasa kha Aizawl FC-ah bawk khelin I League-ah a inlan. 

Jamshedpur FC hian Mizo defender Ricky Lallawmawma leh Laldinliana Renthlei an lo lalut tawh a, Isaac Vanmalsawma chu Mizoram player an kawl sa a ni bawk.