Williams unau an tla

Serena leh Venus Wil-liams te chu Olympic chan-china a vawi khat nan double-a an match hmasa berah Lucie Safarova leh Barbora Strycova te ṭang-dun lakah an chak lo.

American unau hian Olympic hmeichhe dou-ble-ah elphatu an nei ngai lo, an inlan ṭum thum-ah an champion vek. Match 15 an khelh tawhah hnehna an chang fai vek tihna a ni. Rio-ah pawh hian champion tura rinkai ni mah se seeded pakhatna te hi Czech Republic aiawhte lakah 6-3, 6-4 in an chak lo a ni.

Williams unau hi Syd-ney 2000, Beijing 2008 leh London 2012-ah te khan an champion tawh a, Athens 2004-ah erawh Serena inhliam vangin an inlan lo thung.

Kum 36-a upa Venus hian Sydney-ah khan an ram tan single-ah gold medal a lo la tawh a, kumin hi a tan Olympic hnuhnung ber ni tawh tura ngaih niin gold pali a lak tawh chu belhchhah theih inbeisei mah se single match hmasa berah Belgian nula Kirsten Flipkens a hneh lo nghal. World number 1 Serena erawhin single-a a match hmasa berah Australian Daria Gavrilova lakah straight set-in hnehna a chang thung.

Grand Slam vawi 22 champion tawh Serena chuan, "Kan khel ṭha tawk lo a, chu chu kan result hian a ti chiang," tiin double match first round-a an chak loh chung-chang a sawi.