Mainz hmaah Liverpool an mualpho

Barcelona laka 4-0 a an chak hnu
aṭanga darkar 24 pawh tling loah Li-ver-pool-in Germany-ah Mainz an hma-chhawn leh-nghal a, Jurgen Klopp-a club hlui lakah hian 4-0 in an mualpho. Bundesliga club tan Daniel Brosinski, Jhon Cordoba, Yunus Malli leh Yoshinori Muto ten goal khat ṭheuh an khung a, Barca laka goal khungtu Liverpool-in hun tawp thlengin a chhanletna an nei thei lo.

Liverpool manager Jur-gen Klopp chuan, "Zir-lai ṭha tak kan zir a, kan tumah kan chiang tur a ni a, kan khelh dan phungah hian rinna kan nghat tlat tur a ni. Barca kan hneh hlim khan kan nui tawp thei lo a, vawiinah kan lung-hnur leh em em thung a, engpawh thleng se kan nihphung kan hloh tur a ni lo. Kawng dik kan zawh zel a, Arsenal hma--chhawn turin kan inpeih tawh a ni," tiin Pre-mier League-a an match hmasa ber tur a thlir lawk.

Tute nge inlan?

Mainz: Lossl (Mul-ler); Donati, Balogun (Buss-mann), Bell, Bro-sinski; Clemens, Serdar (Frei), Rodriguez, Onisiwo (Holtmann), De Blasis (Muto); Cordoba (Malli).

Liverpool: Mannin-ger, Alexander-Arnold (Randall), Matip, Wis-dom, Moreno (Hart), Can (Stewart), Grujic (Ings), Henderson (Wijnaldum), Lallana (Brannagan), Woodburn (Gomes), Origi (Firmino).