Chak mah se Arsenal an buai?

Premier League sea-son thar inbuatsaih nana an match hnuhnung ber atan Arsenal chuan Pa-thianni zan khan Pep Guardiola enkawl Manchester City 3-2 in an hneh.

Gunners tan hian Alex Iwobi, Theo Walcott leh Chuba Akpom ten goal an khung a, City goal hi British player manto ber Raheem Sterling leh rawlthar duh-awm Kelechi Iheanacho te khung a ni thung.

Arsene Wenger-a naute hian Viking 8-0 a an sawp hnu lawkah an elpui tura ngaih Man City hneh lehin result ṭha an hlawh chhuak. Mahse, City an hneh ṭum hian central defender Gabriel Paulista chu hun tawp hma chiahin a kerek na vangin zawn chhuah a ngai.

Tun dinhmunah cap-tain Per Mertesacker chu hliam vangin a inkhel thei lo mek a, Euro 2016 khelh vanga chawlh nei rei bik Laurent Koscielny chuan nimin khan training a zawm tura ngaih a ni. Wenger chuan Koscielny, Mesult Ozil leh Olivier Giroud te chu kartawpa chhawr thura an la inpeih hman a beisei loh thu a lo sawi tawh.

Tunkar Inrinni zan khan Arsenal hian an lea-gue match hmasa ber atan Liverpool an hmachhawn tawh dawn a, tlarhnung laia ding tur an neih chu kum 21-a upa Laurent Koscielny leh Bolton Wanderers
aṭanga an lak rawlthar Rob Holding te chiah an ni.

Arsenal manager Wen--ger chuan, "Ka naute khelh danah ka lawm hle. Gabriel dinhmun tur kan la hrechiang thei lo a, a nasat loh hram kan beisei. Defender pathum kan chan a nih chuan a hnawhkhah dan tur kan ngaihtuah chu a ṭul," a ti.

French manager hian player thar lakluh tur zawnga an la buai reng thu a sawi a, an team ti chak a, siamṭha thei tur an duh ang player zawn hmuh a harsat thu a sawi tel bawk.