I Day Football 2016 Dar 2:45-ah Chanmari FC Vs AIFF U19 Lajong hmachhawn tur Chanmari FC/Aizawl FC
I Day Football champion lai Aizawl FC-in an group match hnuhnung berah Chanmari West FC chu 2-1 a hnehin Group A
aṭangin Chanmari FC nen knockout stage an lut. Vawiin tlai dar 2:45 hian Chanmari FC leh AIFF U19 an inkhel ang a, semifinal-a Shillong La-jong hmachhawn tur a chiang ang.
Chanmari tan fiahna
Chanmari FC-in AIFF Aca-demy an hmachhawn hunah an striker chhuanvawr Malsawmfela leh game siamtu midfielder R. Malsawmtluanga te hrem vangin an chhawr thei dawn lo. Aizawl FC-in West Warrior an hneh avangin Lalsangzuala Hmar hote tan Shillong Lajong pumpelh tur chuan vawiin hian hnehna chan ngei ngei a ngai.
AIFF Under 19-in an match hnuhnung berah Chhinga Veng FC an hneh a, coach Floyd Pinto-a'n Chanmari FC lakah chetṭhat chhhunzawm a duh. AIFF U19 boss Pinto chuan, "Chanmari FC hian player ṭha pahnih chan mah se team ṭha ber an nih avangin group match-ah chuan a harsa ber an ni. Hei hi kan tan inzirna ṭha tak a ni dawn a, result ṭha tak neih tumin kan khel ang," tiin Vanglaini palai a hrilh.
Aizawl FC leh Chanmari West FC-in AIFF U19 hi an hneh hram a, kim loa khel tur Chanmari FC hi chak chiang saa dah a dik lo. Vawiin hi Lammuala India rama rawlthar ṭharual awm khawmna inlan hnuhnun ber tur a nih avangin tualchhung football ngainatute tan chuan hmaih phal chi a ni lo.
A chung berah AFC
Nimin inkhelah Chanmari West FC tan H. Lallianzama, R. Lal-danmawia leh Laldampuia te an cheṭha a, Aizawl FC tlarhnung an talbuai hle. West Warrior-in an goal khung theih loh an tuar a, minute 29-naah Albert Zohmingmawia ball pet kawh tak chu keeper Lalmal-sawma'n a dan per hnuah Lalmuansanga'n an lamah a pal lut.
AFC tan semifinal lut turin draw a tawk nachungin goal nawr an bansan lo a, Ghanaian striker Bright Middleton Mends-a'n goal khung a harsat tih a lang nawn leh a. Tlarhnung lamah Lalramchullova'n tihsual a nei fo a, West Warrior goal hmaah an vannei tawk lo.
Second half-ah coach K. Mal-sawmkima'n Chullova a ring tawk tih a lang a, AIFF U19 lama penalty hlahtu hian minute 60-naah Mends-a penalty hlawh chu goal-ah a chantir. AFC hi awlsam taka chak tura an lan laiin West Warrior captain Dampuia'n Lengpui tlangval Lalmuanzuala penalty hlawhchhuah chu a club hlui lama goal khung nan a hmang.
Semifinal lut tura chak mamawh Chanmari West tan Dampuia leh Toky Zomuanpuia'n chance ṭha an hlah a, AFC-in point thum an hlawhchhuah avangin Shillong Lajong pumpelh thei dinhmunah an inhlangkai bawk.
Chanmari West coach HC Zar-zoliana chuan, "Kan vanduai ṭum a ni a, kan player-te khelh danah lungawi lohna tur ka hre lo. Chak tumin hun tawp thlengin kan khel a, kan result-ah lawm lo mah ila kan khelh dan erawh a ṭha e," tiin an vanduai thu a sawi.
Aizawl FC coach Mala chuan, "Kan tum chu semifinal lut tura chak a ni a, tunah chuan kan tihtur kan ti zo tawh. Shillong Lajong pawh ni se buaina tur ka nei lo a, kan hmaa awm apiang hneh thei turin kan inpuahchah ang," tiin semifinal-a a hmachhawn turah a buai loh thu a sawi.
GROUP A - RESULT, FIXTURES & STANDING
Vawiin INKHEL RESULT
Chanmari West FC 0 - 2 Aizawl FC
CWFC : Laldampuia 82' (P)
AFC : Lalmuansanga 29' (OG); Lalramchullova 60' (P)
VAWIIN INKHEL TUR
2:45 PM AIFF Under 19 Vs Chanmari FC
# Team Pld W D L GF GA GD Pts
1 Chanmari FC 3 2 1 0 5 2 3 7
2 Aizawl FC 4 3 0 1 8 5 3 9
3 Chanmari West FC 3 1 2 0 7 7 0 5
4 AIFF Under 19 3 1 0 2 4 5 -1 3
5 Chhinga Veng FC 4 0 1 3 6 11 -5 1