Djokovic chak lo nawn

World number 1 Novak Djokovic chu Rio Olympic mipa single-ah Argentine Juan Martin del Potro a hneh loh hnuah doubles-ah pawh an chak lo zui. Serbia tana rawn ding chhuak Djokovic leh kum 40-a upa Nenad Zimonjic te chu a thlengtu Brazil tlangval Marcelo Melo leh Bruno Soares te ṭangdun lakah 6-4, 6-4 in an chak lo.

Kum 29-a upa Djo-kovic-a'n tun hnaiah beisei a phak lo, Wimble-don third round-ah Sam Querrey a hneh lo a, Toronto-ah a vawi 30 nan Masters title la mah se a hlawhtlin chakna ber pakhat Rio Olympic-ah hneh nei loin a tla.

Grand slam vawi 12 champion tawh Djo-kovic hian Olympic gold medal a la dawng lo a, tun dinhmuna a kum ngaihtuah hian tun ṭum hi a tan Olympic hnuhnung ber a ni tawh mai thei. 2020 Olympic Games-ah chuan kum 33-a upa a lo nih tawh dawn avangin tennis chanchina player ropui berte huanga hming lang phak hi infiamna khawmpui lian berah hian a champion dawn lo niin a lang.