Swansea-ah Angel Rangel a nghet

Nakkum June-a a contract hmang zo tawh tur Swansea defender Angel Rangel chuan Welsh club-ah season khat dang cham chhunzawm turin contract a ziak a, June 2018 thleng Liberty Stadium-ah hun a hmang dawn tihna a ni.

Spanish full back hian kum 2007 nipui lai khan Swansea hi a zawm a, Welsh club tan match 340 inlan tawhin a contract hi a hmang zo a nih chuan kum 11 chhung Swans tan a khel ang.

Kum 33-a upa defender chuan, "Kum khat dang cham tura contract ka ziak thei hi ka lawm a, hei aia rei zawk ka chhunzawm zel theih pawh ka beisei. Ka tan chuan he hmun hi ka in a ni tawh a ni," tiin a sawi.