PSG-ah Rodriguez Jese a lut

Real Madrid forward Jese Rodriguez chuan Paris St-Germain a zawm a, season nga chhung khel tura contract ziakin a man zat hi tarlan ni lo mah se pound maktaduai 21 bawr vel ni tura ngaih a ni.

Kum 23-a upa forward chuan, "PSG coach thar Unai Emery hi coach tawnhriat ngah leh hmingṭha tak a nih avangin a enkawlna hnuaia ka khel thei tur hi ka lawm hle a ni," tiin Sevilla aṭanga French club pantu manager hnuaia a khel tur chu a phur thu a sawi.

Spanish striker hian kum 14 leka upa a nih laiin Real Madrid a zawm. Kum 2011 khan Real tan a match hmasa ber khelin season li chhung a cham hman a, La Liga-ah match 63 inlanin goal 13 a khung. League match 63 a khelh aṭanga 49-ah hian bench
aṭangin a tlan lut thung a ni.