Roma-ah Vermaelen

Barcelona leh AS Roma te chu Thomas Vermaelen chungchangah an inrem tawh. Belgium international hian season tharah Italian club tan loan hmangin a khel ang. Club pahnih inrem dan chuan Roma hian an duh a nih chuan loan hun a zawh hnuah a nghetin an lalut thei ang.

Arsenal defender hlui hian Emirates Stadium chhuahsanin 2014 August thla khan Nou Camp a pan. Catalan club tan hian La Liga, Champions League, UEFA Super Cup leh FIFA Club World Cup-ah te a champion tawh.

Kum 30-a upa Ver-maelen chuan, "Ram hranah chona thar ka hma-chhawn dawn a, ka phurin a chakawm tawh hlein ka hria," tiin a sawi.

Roma-in Vermaelen an lakluh takah chuan Premier League club ṭhenkhat nena sawi zawm Greece defender Kostas Manolas tan chhuahna kawngka a inhawng thei mai thei.

Serie A pathumna Roma hian Arsenal
aṭangin Vermaelen-a lo khelh pui tawh ṭhin keeper Wojciech Szczesny chu loan-in an lo hawh fel tawh bawk a, tun nipui chhung hian Alisson, Mario Rui, Juan Jesus leh Federico Fazio te an lalut tawh bawk.